Amis bloggueurs .. définissez vous Publiée à 11:26

Salut amis bloggeurs (euses)

Je vous invite à donner vos définitions personnelles des termes suivants :

Blog ?
Blogguer ?
Bloggeur ?
Commentaires ?

Vous pouvez laisser vos réponses en commentant ou bien en postant sur vos blogs.

Vos réponses aideront peut être certains à comprendre des choses !

احترموا المواطن يحترمكم.. أهينوه.. يهينكم Publiée à 09:02

بالله كليمة للمسؤولين الكلّ ..

إحترمونا يرحم بوكم .. إحترمونا و إلاّ نسبّوكم

نهار الخميس الّي فات .. ماتشوات .. و وقت الماتشوات .. ما فمّاش ميتروات .. هذي ولّينا معتبريناه قانون إلاهي و نقولو برّة ميسالش.. الكلوّ من أجل الوطن والإنتظار ساعة و نصف الساعة يهون أما مصلحة الوطن (المصلحة متمثلة في الإحتفاض على سلامة عربات الميترو الخفيف من أعمال التخريب التّي قد تلحق بها من جرّاء "مشجّعين" تنعتهم صحافتنا الوطنيّة بأنّهم "محسوبون على الفرق" و الفرق منهم براء)

اليوم الصباح.. الحافلة الّي مستانس ناخذها ما جاتش.. استنّيت من 5 و 30 دقيقة إلى 6و15 دقيقة و ما جاتش.. فى العدة تجي في وقتها ديما.. يعني 5و45 دقيقة ..

أما اليوم .. ما ثمّاش كار..

علاش ؟؟ زعما فمّة ماتش عالفجر ؟؟

لا ..

أما حسب معلومة لا يمكنني تأكيدها .. الكار هزّوها للمعلّم.. موش باش المعلّم يركب فيهم .. أما باش المواطنين يمشيو للمعلّم و يصفّقولو بكلّ تلقائيّة و هذا حقّ كلّ مواطن تلقائي ..

أما أنا مواطن عندي إلتزامات .. يعنى ما يمكنليش نكون تلقائي .. خاصّة نهار الإثنين و بصراحة حسيّت روحي اليوم مواطن موش محترم .. ماحترمونيش .. الكار ماحترمتنيش .. ذلّتني.. تصوّر انت كار و جبدتها بمواطن.. أش أكثر من هاللإهانة؟

نحبّ نقول حاجة للسيّد المحترم الّي يدير في الشركة الجهوّية للنقل بنابل.. إذا كان الكار ما جاتش على خاطر اتسعملتوها .. أو لأنّها انقرضت من قاراجاتكم.. فكان من أقلّ واجبك أنّك تعلم المستعملين بإرسال عون من الأعوان باش يقوللهم "يا سادة يا محترمين.. موش لازم تستنّاو كاركم".. و ألّي إنتوما ما عنكمش كار بديلة

و مذا بيّا نقلّو ألّي راهو إعلام الحريف موش مزيّة و إنّما هي من مسؤوليّاتكم تجاهو .. في إطار التزامكم بخدمتو..

هذا الكلّ باش انقول ألّي الإحترام بينكم و بيننا يلزمو يكون متبادل .. أمّا و قد تمّت إهانتي (أنا و الجموع الّي استنات في الفارغ)... و في نطاق المعاملة بالمثل .. إنقلّو ... طلعت مكش في المستوى.. و برّا ربّي معاك

نعتبر رسالتي وصلت .. بحياة رأس خونا نوفل

تونس : الأولى عربيّا و إفريقيّا في الأجور الدنيا Publiée à 10:54

قريت اليوم خبر سعيد يقول ألّي أجور التوانسة (الدنيا) أحسن أجور في العالم العربي و في إفريقيا .. لا لا ما تبهتش... يلزمك تحمد ربّي و تشكرو .. أي نعم.. أجورنا (الدنيا) أحسن برشا من غيرنا حسب التقرير الصادر عن الدورة 304 لمجلس إدارة المكتب الدولي للعمل

تقول إنت كيفاش ؟؟

أيّا سيدي قالّك عملو دورة في أكثر من 100 بلاد و عملوا إحصائيات وخدمو خدمة كبيرة و حسبو وخذاو الأجور الدنيا و شافو نسبتهم بالنسبة للناتج الدّاخلي الخام متاع ها الدول و زادة بالنسبة للأجور الوسطى .. و زادة عملو حساب للقدرة الشرائيّة و لقاو ألّي الأجر الأدنى في تونس ... شدّوا رواحكم مليح و حلّو عينيكم بالباهي :400 دولار .. يعني أكثر من 520 دينار و طلعنا الأولانين في العرب في الأجور الدنيا (يعني عندنا أقوى أجر أدنى يا محّمّد) و في إفريقيا زادة.. و بالطبيعة ماناش حامدين ربّي بالرغم أنّا ّأغنى مرتين من العالم (المعدّل العالمي 220 دولار أكهوّا)

الأرقام هذه تفرّح كلّ عامل تونسي و تشجعو و تحسّسو ألّي هوّ أغنى من الأخوة العرب و أغنى من برشا ناس في العالم و هذة شي يعمل الكيف..ويحسّوا بقيمتو و يخلّيه يهز يديه تلقائيّا للسماء و يدعي دعوة خير لمن كان له الفضل و يقول :

ربّي يخلّيلنا الدول الفقيرة و الشعوب الميتة بالجوع ...

أما إذا عندك شكّ ألّي إنتي من أغنى أغناء العالم .. برّا أعمل تاست كيفي و تو تشوف مستواك
Richest list test

هيّا بنا نلعب Publiée à 14:17

عسلامة..
ولاّدة مشكورة إستدعاتني باش نشارك في لعبة بلوقوسفيريّة يلزمني نجاوب فيها على 5 أسئلة و نعدّي المشعل ل5 مدوّنين أخرين
قبل ما نجاوب على الأسئلة نقترح على الإخوة و الأخوات الّي شاركو في اللّعبة باش يرجعو للتدوينة متاع ولاّدة ويخلّيو رابط نحو إجباتهم

خمس هدايا أتمنّى الحصول عليها

* نلقى بنت حلال تفهمني و ما توجّعليش راسي برشة و تكون مزيانة حتّى بلاش ماكياج و تحبّ بابا و أمّي كيما بوها و أمّها و تعرف تطيّب ماكلة صالحة للأكل..

* رحلة على طريق الحرير

* سيّارة هديّة من دار يابانيّة ..نحبّ نيسان كامري مثلا .. بواط أوتوماتيك و بالطبيعة توت أبسيون.. و معها كلّ جمعة تعبية بلان إسانس يجيني من ليبيا مباشرة ضمانا لصحّة الموطور و الأسورانس مدفوعة لمدّة 5 سنوات .. الهديّة قابلة للتجديد

* فيلآ في بلاصة (مانقولش عليها باش ما تتباعش للشناوة) و معاها جواد عربي أصيل و فيها بستان أندلسي يعمل الكيف

* دار عربي في حومة المغاربة في القدس و مانحبّ نشوف حتى واحد صهيوني من أصل أوروبّي في الجوار و من أنذر فقد أعذر.

خمس إجراءات أتّخذها لو كنتُ رئيس دولة

* انحّي الحصانة " مدى الحياة" على الرؤساء الّي كانو قبلي و يصبح كلّ رئيس مسؤول على أفعاله أمام القانون بإنتهاء ولايته - في إطارقوّة الردع القانونيّة-

* نكرّس مبدأ الحياد في مؤسسات الدولة و انحّي كلّ الشّعب المهنيّة و القطاعيّة و نخلّي شعبة فقط في كلّ منطقة بلدّية ثمّ نعفي روحي من مهامّي الحزبيّة خاطرني ولّيت ملك لكلّ التونسيّين و نصدر تعليماتي (السامية) باش يعفى كلّ وزير من مهامّه الحزبيّة.

* نلقى طريقة ما نحوّل بيها الأحياء الشعبيّة إلى أحياء يطيب فيها العيش و نعمل باش ما يكونش في تونس أحياء للأكابر في ضفّة و أحياء للفقراء في الضفة الأخرى و ذلك بتفعيل مبدأ "التضامن" بأن يخصص في كلّ مشروع عقاري يبعث في البلاد نسبة مأوية للعائلات محدودة الدخل و نسبة للعائلات المتوسّطة و أخرى للعائلات الميسورة.

* نطرّد "عمّار" و ندعم المجتمع المدني و نكرسلوا استقلاليتو نفتح المجال أمام المواطنين و خاصّة الكوميديّن باش ينقدوني بكلّ حريّة و انحيّ قوانين الثلب و نخلّي المواطن حرّ باش يسبّني أنا شخصيّا - خير ملّي يسبّ البلاد - إذا را أو حسّ أو شكّ فيّ أو لاحظ عيب أو إهمال أو تقاعص أدى إلى الإضرار به..

* نوطّد علاقتنا بإفريقيا و الدول الفقيرة

خمسة أشخاص أتمنّى أن أضربهم

* راجل يضرب مرتو

* مرا تضرب أولادها

* ولد يضرب أمّو و إلاّ بوه

* عرف ما يصبّش على خدّامتو

* مواطن يحكي في حكاية تافهة و بصوت عالي في الهاتف الجوّال و هوّ يمشي في الطريق العامّ

خمسة أشخاص أتمنّى العيش معهم

* الناس الّي نحبهم و يحبّوني

*شبابي نعيشوا مع عيسى بن مريم ..

* نخرج في حملة مع حنبعل

* جمعة يزّي مع ملكة جمال الهند

* "العمر كلّو" مع بنت الحلال متاع السؤال لأوّل و الأبناء الناتجين على هالزواج المبارك

خمسة أشياء أفعلها لو علمت أنّي سأموت غدا
24 ساعة شويّة أما نحاول باش

* نعدّي نهار كامل مع الناس الّي نحبّهم و نوصيهم ما يبكيوش عليّا

* نزرع شجرة

* نمشي للصوناد نخلّص معلوم تهبيط الماء على مواطن مزمّر جدّا جدّا من غير ما نقولو

* نمشي للسبيطار باش كي نموت ياخذو أعضائي و يزعوها في انسان مستحقّلها

* في السبيطار نحطّ نتفرّج في مسرحيّة أو فيلم يقتل بالضحك...و نموت

وتوّة أحيل الكلمة إلى السيدات و السادة : ديانا مغازين , بالاّ راقازا ,تلفزة بالملوان’ , نوفل المصري , كيف قراف

لاأرى من غد مشرق .. Publiée à 11:42

قرأت صباح اليوم خاتمة تدوينة جاء فيها ما يلي

لكل هذا نريد ان يواصل الرئيس بن علي المسيرة الموفقة التي استهلها في يوم مشرق أغرّ، في صبيحة يوم 7 نوفمبر 1987 ببيان منهجي، مرجعي، يظل دستورنا الاوحد والاقدر على رسم ملامح السياسة المتبصرة والسليمة، فلا نرى احدا غيره بقادر على تحمل تلك المسؤولية الجسيمة، ولا نرى لتونس من غد مشرق، بسام واعد الا في ظل قيادته الحكيمة ورعايته الموصولة للبلاد والعباد في تونس الأصالة والتاريخ والحداثة.

انتابني شعور لم أفهم ماهيّته.. حزن أو شفقة .. خوف ربّما .. الرعب من انعدام غد مشرق لك يا تونس إذا ما غاب عنك مواطن يدفع شعبك مرتّبه ثمّ يعبده .. عبدوه منذ فجر السابع من نوفمبر حين جائهم بقبس من نور .. و هم نائمون .. شفقة أيضا تجاه هؤلاء العباد.. و كأنّي بهم فعلا فقدوا أحاسيسهم.. لا يرون .. فقط يقولون ما يجب أن يقال و يكتبون ما يجب أن يكتب .. و غدا تتغيّر الأسماء .. و يبقى العبيد للأسماء يمجّدون

Les vrais Héros du 9 avril méritaient d'etre cités. Publiée à 14:01

Ne pas citer leurs noms, ne pas parler de leurs actions, les mettre en "arrière plan" alors qu'ils sont les Héros, les ignorer pour ne parler que d'un seul et unique personnage.. ce n'est pas un crime, mais .. c'est une grosse lâcheté.

Opinion formulé suite à la consultation de cet article :

La Fête des martyrs, une reconnaissance aux sacrifices des martyrs, des résistants et des militants

France 3: Pourquoi si peu de démocratie dans les pays arabes? Publiée à 10:33

Diffusée hier soir sur France3, ce soir ou jamais a discuté de la démocratie, du monde arabes, de l'occident, d'Irak, de la Palestine, d'islamisme.

L'émission et la présentation des invités sont disponibles sur le site de ce soir ou jamais.

والمناخ الديمقراطي ... المنشود Publiée à 11:17

النقد النزيه الذي لا يمس بالأعراض ويستجلي الحقيقة ويبحث عن المصلحة مقبول ويشجع عليه وعلى الإجابة عليه بما يكرّس بحق حرية الإعلام والمناخ الديمقراطي المنشود

من خطاب رئيس التجمّع

..عبد الهادي بلخياط ..يابنت الناس انا فقير دراهم يومي معدودة Publiée à 13:31

يابنت الناس انا فقير دراهم يومي معدودة

يابنت الناس انا فقير دراهم يومي معدودة
انما عندي قلب كبير بحر شطآنه ممدوده
فايض بالمحبه والخير وابابه ماهي مسدوده
وعليها واقف عساس
وفهميني يابنت الناس

يابنت الناس العش اخضر وبيدي انا بانيه
غدا باذن ربي يعمر سبحانه الامر بين ايديه
اذا راد الخبزة تكبر وكرم الله تشوفيه
واياك تقر عينيه
العش اخضر العش اخضر
يابنت الناس

يابنت الناس اتلاقينا وبديناها بسنه وكتاب
عالوفاء والصدق مشينا بالظاهر والباطن احباب
واليوم صبح واحد فينا يغلق بوجه الحب الباب
عشاء وغداء بصداع الرا س حشوما عيب
يابنت الناس

يابنت الناس الله كبير نخدم وياك احنا شباب
ابن آدم يتحزم يدير ويطرق جميع الابواب
ماشفت انا اش عند الغير الحسد يتلف الاحساس
والا يعطينا وسواس يمرضنا
يابنت الناس
وفهميني

يابنت الناس بغيت عشير يقدر يفهم الحياة
يدفعني لطريق الخير يوصلني شط النجاة
انا ماباغي مسامير تعرقلي سير الخطوات
و العقل مسطرة وقياس
و العقل نور
يابنت الناس

يابنت الناس العمر قصير سنين قليلة معدودة
والدقيقة تسوى لكثير وضيعنا دقايق سدا
الدنيا غطاها الحرير و اصل الحرير الدودة
والدودة عارية بلا لباس
التواضع التواضع
يابنت الناس
وفهميني

و قل إعملوا ..فستقلب تونزيانا و تيليكوم فلوسكم Publiée à 10:04

عسلامة..

فيبالكمشي ألّي تونيزي تيليكوم و تونيزيانا شايخين فيها من جرّتكم و إنتوما ساكتين و راضين و مبعبعين ؟؟

البارح ضربت عالكالكولاتريس و عملت حسبة نتيجتها ألّي هوما يربحو بالمليارات "من ورانا" و برضانا

هاذي الحسبة أما بالسوري

le nombre Total de lignes GSM en Tunisie serait de 8.5 millions? (d'après africanmanager.com: 4,3 millions de lignes GSM chez TT et 4,2 millions chez Tunisiana.)

Imaginons qu'il le 1/3 de ces lignes seulement sont opérationnels. et considérons l'opérateurs Tunisiana comme exemple.

=> 4.2/3=1.4 million de ligne

Etant donné que le prix de la minute est variables, on va calculer par rapport aux prix des lignes Awel :

160millimes la minute (entre les N° Tunisiana)

=> prix de la seconde : 2.66 millime la seconde

imaginons que chaque abonné paye chaque jour 1 seconde sans l'avoir vraiment consommé (exemple une communication qui dure entre 10 secondes et 11 secondes, l'abonnée payera la meme chose que s'il avait parlé durant 12 secondes)

=> 2.66 * 1.4 millions d'abonnés * 365 jours = 1362.66 millions de millimes

çà veux dire que Tunisiana gagne sur le dos de ses abonnés au moins 1.36266 millions de Dinars par An ?? ??

عاد اليوم و في نطاق مجموعة الفايسبوك الّي يمكن راكم سمعتوا بيها( و ألّي يمكن باش نمرجكم بيها برشة) فتحت موضوع قدّاش من ثانية دفعت سومهم من غير ما تتكلّمهم اليوم؟(هنا) باش نعرف قدّاش من ملّيم دافعينهم الأعضاء من غير موجب..

هاوكا كان فمّا زائر حريص على ميزانيتو ..و يحبّ يساهم في هاللّعبة. و حاضر باش ياقف و يقول يزيّكم ما ربحتو من جرّتنا.. مرحبا بيه في المجموعة

و قل إعملوا فستقلب تونزيانا و تيليكوم فلوسكم..