عندكشي عندي4 Publiée à 10:58

Pour voir cette note, ajoutez www. après le http:// lien ou bien sur rendez vous sur http://antikor2.blogspot.com

اليوم 17 في الشّهر

نتصوّر فمّا شكون منكم إستانس بتدوينة يوم 17 من كلّ شهر .. التدوينة هذي هي الرّابعة في سلسلة التدوينات ألّي ننشر فيها حاجة عندها علاقة بال17هذي

التذكير لازم

سبعطاش من 100 أو 17 على 100 هو العدد الّي خذاتو تونس في أحد أوجه "جودة الحياة" في تصنيف "الأنترناشيونال ليفيغ" ألي .. و الحمد لله.. وقع إعتباره تصنيفا موضوعيّا و أعطانا حقّنا .. و بالأمارة.. جينا الأولانين في العالم العربي في جودة الحياة (و هاو هوني رابط لابراس باش تعرف قدّاش التصنيف هذا "يبرز و يشهد و يبرهن"... و هوني رابط آخر فقط كان تحب تعرف علاش تونس موش الأولى في إفريقيا في جودة الحياة)

عاد قلنا 17 من 100 هذي لوكان نترجموها و نردّوها حاجة ملموسة أو مرئيّة .. زعمة شنوّة تعطينا.. و بعد التدوينات الثلاثة السابقة (هنا).. نننشر اليوم رابع مثال

سبعطاش من 100 من مرتّب.. مواطن ميسور الحال كمثال

قدّاش الواحد منّا يلزموا يقبض باش يعيش "مستور" في تونس.. السؤال هذا لوكان تسألوا لأي مواطن في الشارع تو يقلّك.. أقلّ حاجة أقلّ حاجة..500 ألف و كيف تاخذهم.. تتسمّى "مزمّر" راهو..على كلّ خلّينا نعتبرال 500000 هوّ مرتّب يخوّل للتونسي أنّ يعيش "مستور" و يخوّلولوا باش يوفّق ما بين الكراء و الماء و الضوء و التليفون و النقل و الأكل و الترفيه و تربية "جيل الغد" (علما و أنّنا ما نحكيوش على تونسي يدخّن أو عندو هواية من قبيل الكورة و المشيان للسطادات أو لعب البروموسبور أو المشاركة في المسابقات اللّي تقترحها علينا الشركات الوطنيّة و العالميّة أو حتّى التلفزة الوطنيّة)..

عاد قلنا هالشهريّة لوكان إنّحيّو 83% منها و ما نخلّيو كان ال 17 % قدّاش تولّي.. الحسبة ساهلة ماهلة

شهريتك تولّي يا سيدي 85 دينار كاملة.. يعني 85000 ملّيم

تصوّروا توّا لوكان في عوض نعطيوك 500 ألف كراتب.. نعطيوك 85 دينار و نقلّك.. "أش تحبّ آخر".. أش تقول؟

نتصوّرك تبطّل الخدمة و تلوّج على خدمة أخرى.. على كلّ هو مثال . نقيسو بيه مدى "تمتّع" التونسي بالحريّة المتوفّرة في بلادنا.. علما و أنّ ال17 متاع عام 2010 هو بيدو ال 17 متاع 2009.. يعني الحكاية لا فيها لا قفزة نوعيّة و لا تطوّر ملحوظ