عندكشي.. عندي 5 Publiée à 16:04

Pour voir cette note, ajoutez www. après le http:// lien ou bien sur rendez vous sur http://antikor2.blogspot.com

اليوم 17 في الشّهر.. و تدوينة يوم 17 ما ننساهاش كيف أش يصير .. التدوينة هذي هي الخامسة في سلسلة عندكشي..عندي ألّي ننشر فيها حاجة عندها علاقة بال17هذي

التذكير لازم

سبعطاش من 100 أو 17 على 100 هو العدد الّي خذاتو تونس في أحد أوجه "جودة الحياة" في تصنيف "الأنترناشيونال ليفيغ" ألي .. و الحمد لله.. وقع إعتباره تصنيفا موضوعيّا و أعطانا حقّنا .. و بالأمارة.. جينا الأولانين في العالم العربي في جودة الحياة (و هاو هوني رابط تونس إفريقيا للأنباء باش تعرف قدّاش التصنيف هذا "يبرز و يشهد و يبرهن"... و هوني رابط آخر كان تحب تعرف علاش تونس موش الأولى في إفريقيا في جودة الحياة)

عاد كلّ 17 من كلّ شهر .. نحاول نترجم النقاط متاع تونس أو نجسّدها و نردّوها حاجة ملموسة و نشوفوها شنوّة تعطينا.. و بعد التدوينات الأربع السابقة (هنا).. نننشر اليوم خامس مثال

سبعطاش من 100 من أمل الحياة عند الولادة

نعرفوا الكلّ ألي في تونس .. أمل الحياة عند الولادة متاعنا باهي ..حيث يقارب ال80 سنة .. و هو في الحقيقة حاجة نفتخر بيها و كان يلزم تو غدوة نبعث برقيّة شكر لكلّ من أسهم و يساهم و سيسهام في هذا الإنجاز من قريب و من بعيد.. أما قبل كلّ شيء.. هات نشوفو ال 80 سنة هذوما لو كان الواحد يترزى في 83% منهم .. قداش يولّي "أمله" في الحياة

العمليّة الحسابيّة ساهلة و بسيطة و "في متناول كلّ مواطن" .. تشدّ ال80.. تقسمهم على 100 و تضرب في 17.. تلقى يا سيدي 13.6 .. يعني الواحد كي يعيش 13 سنة.. يسمّي روحو محظوظ.. يقابل ربي و هوّا نظيف.. كتابو ما فيه حتّى ذنب

على كل.. في بلادنا .. نتمتّع ب 17 من 100 من مطلق الحرّية .. و هذا.. إنجاز.. و ردّ بالك تحلّ فمّك.. تولّي ناكر للجميل راك