و إذا المحجوبة سُئِلت.. بأيّ ذنب سَُلِبت Publiée à 10:21

و إذا المحجوبة سُئِلت.. بأيّ ذنب سَُلِبت

كما سمعنا الكل .. المدونة متاع لينا بن مهني تعرضت للحجب و أصبحت البنية التونسية صديقتنا لينا منتمية للمجموعة متاع المدونين التوانسة المحاصرين.. حصاراً إفتراضياً .. حرية لينا في التدوين وقع الإعتداء عليها .. حجبت لينا ..و السؤال المطروح هو : علاش .. لماذا... بأي ذنب..

الإجابة هي : لينا هي المذنبة..لأننا في تونس .. عندنا الحق في التعبير بحرية .. ولكن في نطاق المعقول .. أي أننا نتمتع بحرية نسبية .. و هذي النسبة تحسدنا عليها دول عديدة نذكر منها مثلاً اريتريا و أفغانستان و التشاد و الزمبابوي وحتى الصين و تركمنستان و أوزبكستان و روسيا البيضاء زادة.. نسبة تمثل سبعتاش بالمائة من مطلق الحرية.. -لا أكثر .. لا أقل - .. ولذا .. اللوم كله يقع عليك يا لينا.. كيف تسمحين لنفسك تجاوز ال-17 متاعك وكيف تتعجبين من النتائج الوخيمة .. يعني كون واقعية عيشك يا لينا .. إنت تونسية.. كيفك كيف غيرك من شعب هذه البلاد كل ما تستحقينه هو 17/100 من الحرية.. ولك سديد النظر

Sondage : Pour ou Contre le Nucléaire en Tunisie Publiée à 09:51

Je re-publie sur ce blog la note de "défis à relever" puisque le blogs n'est pas sur tn-blogs et que je tiens à faire passer ce message et à ouvrir le débat sur le nucléaire.. solution ou problème , la discussion doit avoir lieux.. Mon avis, et celui de beaucoup d'autres est que nous ne voulons pas du Nucléaire.. nous n'en voulons pas et nous avons de bonnes raisons pour dire NON et pour dire que nous avons une meilleure solution : Le SOLAIRE..

la note intitulée : يا فرنسا.. السّلعة الفاسدة متاعك بيعها لغيرنا :

عسلامة..نشر موقع "أفريكان ماناجار" أنترفيو أجاب فيه السفير الفرنسي على 3 أسئلة .. كيف تقرأ الأسئلة بسطحيّة .. تقول حاجة هايلة و ما تجيبش خبرة ألي الأسئلة و الإجابات خاصّة.. مربوطة ببعضها و أنّ من الأحسن تبدى تقرى الأنترفيو بالمقليوب.. أي من السؤال الثالث .. و بعدوا الثاني و بعدو الأوّل.. و توّة .. هاني باش ننشرو في التسلسل الي قلت عليه .. يعني "مالأخّر" و بالمقلوب

Certains pensent que l'année 2010 sera une année de reprise, y a-t-il une stratégie adéquate afin de consolider le lien tuniso-français?

Un certain redémarrage de l'économie est effectivement espéré en France et en Europe en 2010. Il ne pourra avoir que des effets positifs pour l'économie tunisienne. Dans ce contexte, la France consolidera ses liens avec la Tunisie, d'une part en contribuant au financement des grands projets d'infrastructure du pays, d'autre part en mobilisant un nouvel instrument en faveur des PME-PMI tunisiennes. Cette ligne de crédit, dotée de 40 millions d'euros, sera la plus compétitive du marché, avec un taux d'intérêt maximum de 4,6 % pour un prêt à 10 ans en dinars. C'est donc une occasion à saisir pour ces entreprises qui contribuent fortement à la création d'emplois

Plusieurs accords très importants ont été signés lors de la visite du Premier ministre François Fillon à Tunis les 23 et 24 avril 2009. Des accords qui vont permettre d'enclencher la coopération dans le domaine du nucléaire civil et concrétiser ainsi, l'offre qu'a faite la France de partager ses compétences qui sont parmi les meilleures du monde dans ce domaine avec la Tunisie pour lui permettre d'accéder à l'énergie nucléaire qui est pour longtemps une énergie qui préserve l'environnement et en même qui est une solution, une réponse au problème de la raréfaction des sources d'énergie fossile. Après quelques mois, parlez nous de l'impact des ces accords sur la Tunisie ?

Des accords importants ont été signés dans le domaine des transports. Ils ont abouti à des résultats concrets : la France a apporté son appui au démarrage de l'Institut méditerranéen des métiers maritimes en finançant l'étude de faisabilité du centre réalisée par un cabinet spécialisé français, puis en mobilisant 2 millions d'euros pour la mise en place des formations et des équipements de l'Institut. La France accompagne aussi l'installation de la société AEROLIA, filiale d'EADS, et de ses sous-traitants, qui vont composer le parc industriel aéronautique de M'Ghira. Enfin l'accord de coopération dans les transports terrestres permet d'envisager différentes formules pour accompagner les projets de la Tunisie dans le domaine ferroviaire tels que le RFR du grand Tunis: financements français, mais aussi partenariat industriel et actions dans les domaines de la formation et de la maintenance.

S'agissant du nucléaire, l'accord cadre signé en avril 2009, en présence des deux Premiers ministres, a été complété par la mise en place d'une coopération entre la STEG et le CEA. Ce dernier participe ainsi aux études qui vont permettre à la Tunisie de prendre, à l'horizon 2011-2012, une décision en ce qui concerne le lancement d'un projet de centrale nucléaire pour la production d'électricité.

Les atouts dont dispose la Tunisie en termes économiques et politiques continuent de lui conférer aux yeux de la France un rôle important pour la stabilité du Maghreb et pour la poursuite de la construction euro-méditerranéenne. Pouvez-vous nous en parler ?

La Tunisie est un partenaire majeur pour la France et pour l’Union européenne. Elle l’est non seulement sur le plan des relations bilatérales mais aussi dans le cadre de l’Union pour la Méditerranée. La Tunisie dispose de talents et d’expériences qui sont précieuses pour l’Europe. C’est pour cela que la France souhaite que la Tunisie dispose d’un statut avancé dans ses relations avec l’Union européenne. Cette aspiration est légitime parce que la Tunisie fut le premier pays méditerranéen à signer un accord d’association. Maintenant, il reste à définir le contenu exact de ce statut.

L'article initial se trouve sur le site de la source: Africanmanager.com

باهي.. كيف نقراو الحكاية هكّة نفهمو ألّي .. فرانسا تلوّج في حلّ لروحها .. و ألّي من الحلول الّي لقاتها أنّها تعزّز العلاقات مع بلادنا الّي تزخر بالكفائات و بالإمكانات.. و هاوكا في المقابل.. تعمل علينا مزيّة و تعاونّا في إستعمال الطاقة النووية لتوليد الكهرباء

برّا يرحم والديك يا فرانسا.. يبارك في ترابك في هالخير الّي جاينا من وراك.. فعلا عندوا الحقّ الرّاجل الّي قال.. ما زالوا محتلّينّا و مازلنا تحتهم و خاضعين ليهم.. مادامهم أقوى منّا في كلّ شيء و بأخصّ في تسويق البضاعة الفاسدة

يكون في علم فرانسا و سفيرها ألي . إذا كان ناوين تنعشوا إقتصادكم و تنعشولنا إقتصادنا ... يا مرحبا ... أما أنّكم تستغلّوا الفرصة باش تجيبولنا السّموم و المخاطر... لا يا معلّم لا ..تونس الي شعبها صرخت في عروقه الدّماء و ثار على جور إستعماركم راهي اليوم فيها ناس واعية و فاهمة و موش مستعدّة باش "تاكلها في عظامها" كما يقول المثل التونسي متاعنا ..

تقولوا "فاش يحكي هذا" .. نحكي عالنووي ألي فرانسا ناويا تعاونّا عليه.. يا خويا راهو خطر .. راهو موش حلّ جملة وحدة.. و زيد جاينا من عند فرانسا.. يعني وحلنا وحلة كبيرة إذا نتصوّروا ألي أحنا رابحين في الحكاية

يكون في علم فرانسا ألي أحنا نعرفوا أنّ النووي هذا لا مستقبل له في بلدانهم و ألي مواطني فرانسا و غيرها من الدول الأوروبيّة يقولوا "لا لا لا لا لا لا" للنووي و فمّا علاش يقولولوا لا


النووي هذا شيء خطير.. مخاطروا يعرفوها الأوروبييّن وهذا ما يخلّي دول أوروبيّة كانت تخمّم في الحكاية و بطّلت عليها و قررّت التخلّي على فكرة النووي هذي نهائيّا .. نذكر منها النمسا.. الدنمارك.. اليونان.. إرلندا .. النورويج.. و بولونيا ألي كانت بصدد بناء مفاعل و ألغات المشروع جملة وحدة بعد ما صارت كارثة تشارنوبيل

أمّا إسبانيا و بلجيكا و السويد.. هذوما مقرّين و واخذين "ديسيزيون" باش ماعاد يبنيو حتّى مفاعل جديد في المستقبل.. كانك على ألمانيا.. راهي قاعدة تسكّر في المفاعلات متاعها الواحد تلو اآخر كما يقولو

يعني يا فرانسا يا متاع الصداقة و الحميميّة و "لستاتو أفانسي".. برّا عدّيها على غيرنا يعيّشك.. الحكاية و ما فيها .. مصلحة فرانسا العليا

يا فرانسا يا متاع المصالح المشتركة و التعاون و نقل التكنولوجيا... تعملوا مزيّة .. كانكم بالحقّ تحبّونا و تقدّرونا.. و تراعيو ظروفنا.. تعملو مزيّة.. تبنيولنا صونطرال للإنتاج الطّاقة الشّمسيّة(أنقر هنا) ... و يرحم والدين "الماريان" من فوق..

قبل ما نمشي .. شويّة روابط

1- ويكيبيديا.. النقاش حول النووي
2- ويكيبيديا.. برامج الدّول الأوروبيّة
3- أكثر من 870 جمعيّة في فرنسا وحدها تطالب بالتخلّي على النووي
4- أوقفوا النووي.. من أجل حلول بديلة

أيّا أنّستو بفرانسا و بمصالحها المتشربكة

Cette note a été commentée par khmayes Bandi , je me permet de copier son commentaire :

خـمـيّـس بـانـدي a dit....

" l'énergie nucléaire qui est pour longtemps une énergie qui préserve l'environnement " !!!!!

Quel culot et quel mépris faut-il avoir pour croire pouvoir nous embobiner avec de pareilles idioties !!!!!!!!!!!!!!!!!!

Le nucléaire émet certes moins de gaz à effet de serre, mais ce sont les déchets qui pose le plus grand problème jusqu'aujourd'hui. Même pour les pays qui détiennent les technologies les plus avancées.

(Pour l'anecdote et pour votre culture générale, sachez que : " la minuscule quantité de déchets nucléaires résultant des expériences originales d'Enrico Fermi (1901-1954), physicien italien et titulaire du Prix Nobel, n'a toujours pas trouvé de lieu de stockage sûr"!)

La France n'a que faire de la protection de l'environnement et du respect des écosystèmes dans un pays comme le nôtre (ainsi que le reste de ses anciennes colonies et/ou dans pays non industrialisés). Le gouvernement Sarkozy n'a qu'un seul objectif en tête : vendre le maximum de centrales nucléaires au pays du sud pour empocher un max.

D'ailleurs la Libye, l'Arabie Saoudite et le Maroc ont tous signé des contrats de coopération dans le nucléaire civil avec la France, avec bien entendu une "option d'achat d'une centrale nucléaire" de fabrication française (cela va de soi!)

Les technologies utilisées dans les centrales nucléaires pour la production de l'électricité étant différentes, il faut savoir que le choix d'une centrale nucléaire est tributaire de plusieurs paramètres.

Pour ce qui est de la Tunisie, les recherches préliminaires et l'étude de faisabilité lancées par le CNSTN et la STEG semble recommander un réacteur de fabrication et de technologie canadienne. C'est ce que j'ai pu apprendre par un ami bien informé. Toutefois cette option ne sera pas nécessairement celle qui sera retenue pas nos décideurs politiques qui auront le dernier mot à dire. Et ce après qu'ils aient consulté le rapport final de l'étude qui leurs sera remis.

Je ne veux pas faire de l'idéologie, car la question du nucléaire reste très discutée et l'on peut lui trouver d'avantages que de défauts. (selon qu'on soit pour ou contre)

Je ne sais pas ce que mes concitoyennes et concitoyens en pensent, mais pour moi c'est une question de principe :

NON AU NUCLÉAIRE EN TUNISIE !

Voilà, je termine par un petit sondage : Pour ou Contre la construction d'un réacteur nucléaire en Tunisie ?

Repost : ...انسايس على روحي Publiée à 15:32

فمّة حاجة خلاّتني نرجع لأول تدوينة ذات صبغة "سياسية" على المدونة .. تكتبت في 2006 .. نهار 11 نوفمبر 2006..و كان عنوانها.. نسايس على روحي.. و فيما يلي نصّها

حبيت نحكي شويا ع السياسة.. حبيت انقول اللي ثمة حاجة التغيير فشل في تبديلها واكتفى بتحويل وجهتها بالرغم من أن الإرادة السياسية كانت و لا تزال موجودة.. هالحويجة هي التقفيف و الولاء للأشخاص و موش للبلاد.. نتفكر مليح ألي عام 87 كان الشعب فارح ألي صار تغيير و تنحى بورقيبة من الحكم بعد ما ولى كبير ياسر في العمر و ما يقدرش على تسيير شؤون البلاد.. نتفكر مليح مليح الي الشعب قال "يحيا بن علي.. يحيا بن علي" و نتفكلر مليييح الي بن علي جاوب و قال "تحيا تونس.. " اقلك فماشي ما الشعب يفهم الى الولاء لتونس و موش للأشخاص.. أما شيء.. الشعب مازال لليوم بنفس العقلية.. عقلية تفرض عليه أنو يعبر على الولاء للأشخاص.. التغيير الى نحى الرئاسة مدى الحياة ما غييرش العقلية الى كانت سبب فيها.. خاطر شكون حط بورقيبة رئيس مدى الحياة .. تي ماو الشعب ..الشعب حب يعترفلو بالجميل ... بورقيبة استجاب لرغبة الشعب و قعد يخدم فيه و الشعب قعد معترف بالجميل و يقول "يحيا بورقيبة .. يحيا بورقيبة" حتى جاء فجر السابع من نوفمبر الي أنقذ تونس من مخلفات اعتراف الشعب بالجميل و ولائه للأشخاص موش للبلاد.. ومن يومها الشعب بدل الفيسطا.. و ولى يقول "يحيا بن علي" و من يومها والشعب معترف بالجميل .. أنا منيش منكر للجميل أما خايف ..و من حقي باش انخاف من هالشعب

هوني رابط التدوينة و تعليق برض المدونين الّي ليوم موش الكلّهم موجودين للأسف .. الحاصل من هاك النّهار و أنا نسايس على روحي.. من روحي خاصّة

عندكشي؟.. عندي 1 Publiée à 13:46

اليوم 17 في الشّهر ..و من هنا فصاعدا..نهار17 من كلّ شهر ناوي ندوّن و ننشر حاجة "رمزيّة" عندها علاقة بحاجة مهمّة برشة .. ال17هذي

سبعطاش من 100 أو 17 على 100 هو العدد الّي خذاتو تونس في أحد أوجه "جودة الحياة" في تصنيف "الأنترناشيونال ليفيغ" ألي .. و الحمد لله.. وقع إعتباره تصنيفا موضوعيّا و أعطانا حقّنا .. و بالأمارة.. جينا الأولانين في العالم العربي في جودة الحياة (و هاو هوني رابط لابراس باش تعرف قدّاش التصنيف هذا "يبرز و يشهد و يبرهن"... و هوني رابط آخر فقط كان تحب تعرف علاش تونس موش الأولى في إفريقيا في جودة الحياة)

عاد قلنا 17 من 100 هذي لوكان نترجموها و نردّوها حاجة ملموسة أو مرئيّة .. زعمة شنوّة تعطينا.. اليوم ننشر أوّل مثال : 17 من 100 من علم تونس .. وقد تمّ إنجاز المثال إنطلاقا من العلم هذا

و تمّ إستعمال الفوطوشوب باش ما نورّي كان 17 من 100 من العلم و البقيّة تبقى شفافة.. أي أنو العلم يغطي الأرضيّة البيضاء ألي تحتو بنسبة 17 بالمائة
والنتيجة هي :

شفتوشي حاجة ؟ .. أنا شفت

الرقيب و الترهيب--أفكار ليلية ضيفة على أنتيكور Publiée à 08:39

تقديم

نحب في البداية نقول إلي فكرة استضافة مدونات محجوبة إلي بادرو بها أنتيكور و برباش فكرة جميلة.. و بالطبيعة هذا ما يعنيش أنو مدونة "أفكار ليلية" بش توقف أو ماهياش بش ترجع في ثوب جديد و مش بش تنتهي لمجرد قرار الرقيب أنها تتحجب... لكن لأن فكرة التجاء مدونة محجوبة لمنبر مدونة شقيقة بهدف أنها تكون مقروءة في تونس (لأنها تبقى مقروءة في بقية العالم بعد هذا و ذاك) فكرة جديدة و مثيرة للانتباه فإنو يظهرلي تستحق منا على الأقل أننا نجربوها... هذية إذا تدوينة باسم مدونة "أفكار ليلية" في مدونة "أنتيكور".. كيفما كتبت قبل في مدونة "قلق.. و حاجات أخرى"...

الرقيب و الترهيب

الرقيب، أو "عمار 404" في لغة الانترنت التونسية، موظف تقني و ليس صانع سياسات... ينفذ أوامر مش ممكن أنو نقول بالضرروة أنو يؤمن برؤية (سواء كان في حكم الفرد أو الجماعة، لأنو من يعرف سرائر البشر خاصة في غرف الرقيب المغلقة) و لكن يمكن أنو نقول بثقة أنو يفهم معنى السياسة الي يقوم بتنفيذها.. يفهم في أقل الأحوال (سواء كان في حكم الفرد أو الجماعة) أنو بصدد تطبيق سياسة تقتضي أنو لا يرى عموم الناس ما يمكن أن يراه هو، لأنو هو في أقل الأحوال يعرف محتوى إلي يقوم بمنعه..

لكن كيفما قلت قبل (في مقال سابق بعنوان "في الحجب و عقلنته" هنا) الخصوصية متاع الحجب في تونس هو بالتحديد غياب الشفافية في عملية الحجب و رفض الاعتراف بيه و رفض التعامل المؤسساتي معاه يخلق أجواء ضبابية... الفعل الرقيب في الظروف هذية يأدي في نهاية الأمر لحالة من الفوضى... إذ مقابل كل فعل رقابة فمة فعل بروكسي.. كل حركة للرقيب يقابلها حركة متاع تمرد على الرقيب.. و بالمعنى هذا الرقيب مش معبر عن حالة اجتماعية و لكن هو سلطة مناقضة للمجتمع... و في الوقت إلي في مجتمعات أخرى تلعب فيها المؤسسات دور ناجع فإنو الرقابة هو تعبير عن غالبية اجتماعية مش قرار سياسي سلطوي... فإنو الرقيب في حالة "عمار" يصبح عمليا و حتى من غير تصريح يستعدي المجتمع... و هذاكة علاش فمة رؤية تحاول تشخصنو و تصورو في شكل كاركياتوري و متخلف... لكن في العلاقة هذية الكل فإنو الرقيب في حالة "عمار" موجود من خلال امتلاكو عمليا حق الترهيب الافتراضي... إما النفي أو الخضوع.. خضوع لشروط و عقود افتراضية غير واضحة المعالم لأنو هو مصر على أنها ما تكونش واضحة.. علاقة الرهبة الأبوية هذية.. إلي ما فيهاش كلام و إنما قرارات زجرية من جانب واحد و في صمت

صورة الترهيب هذية و خاصة هوس الحجب إلي يوصل لأوضاع كاريكاتورية يمكن تلخيصها مشهديا في الفيديو الشهير التالي.. وقتلي مجرد رأي يقع تجريمو بجرائم من نوع "تهديد السلامة الوطنية" و و غيرها من الاشياء.. و لو أنو هذا مجرد مثال على شنوة يجرى كيف يتغول الحجب و لا يعني أنو نفس الاوضاع موجودة في تونس

ملاحظة أخيرة: كل الأشياء إلي أعلنها السادات وقع التراجع عليها بسرعة فيما بعد.. و الكلنا نعرفو توة أنو الصحافة المصرية و بمعزل عن الوضع السياسي في مصر تعيش وضع ايجابي ما يتقارنش ببقية الاقطار العربية.. و طبعا برغم تناقضات و حدة الآراء إلي تصدر روتينيا في الصحافة و الاعلام المصريين لم يقع "تهديد السلامة الوطنية" و الحياة سائرة كما هي.. و رغم تواصل الحجب.. حجب من طبيعة أخرى و نوع آخر

عن "أفكار ليلية"
طارق الكحلاوي

الصفحة البديلة المؤقتة لمدونة "أفكار ليلية" على فايسبوك

من أمثالنا التونسية.. أخترت لكم Publiée à 19:35

إذا ريت الكبار ادربك :: ما تلوم الصغار عالشطيح
اذا فاتك الكلام قول سمعت :: واذا فاتك الطعام قول شبعت
رضينا بالهم والهم مارضاش بينا

لا تزرع فول في واد مالح :: و لا تعطي قيمة للي كان سارح
لا يعجبك نوار دفلة في الواد عامل ضلايل :: ولا يعجبك زين طفلة حتى تشوف الفعايل

قال: يا فرعون إيشْ فَرْعْنِكْ؟ :: قال: ما لقيتِشْ مَن يرُدّْنِي
شوية من الحنة وشوية من رطابة الايدين

لخيول مربوطة و البهايم ادور

القرد في عين امو غزال
الحر من الهمزة والحمار بالهمزة
الي تشوفو راكب فركة قلّو مبروك الحصان

القمح يدور ويجي فقلب الرحى
الشنقة مع الجماعة .. خلاعة

La 404 YonAmmar Publiée à 12:01

Bonjour,

Je viens de parcourir le blog et j'en ai profité pour marquer toutes les notes qui parlent de près ou de loin de 3ammar et de son 404 , j'en ai trouvé 22.

Ces 22 notes n'ont pas été écrites ces deux derniers jours, non .. le combat contre la 404 de 3ammar n'est pas nouveau sur la tunisphère et j'espère qu'un jour , on finira par faire tomber toute sorte de censure d'idées.

Une catégorie vient donc d'être crée sur ce blog :404 YonAmmar..

Je voudrais profiter de cette occasion pour dire que , OUI, oui, C'est vrai, la "censure existe partout ailleurs , et même dans les plus grandes des démocraties".. OUI, mais dans les plus grandes des démocraties, on ne censure pas arbitrairement, et puis il y a aussi énormément de pression contre la censure, les gens se lèvent et dénoncent et se rassemblent pour dire NON à la censure..

Il y a un autre sentiment partagé un peu partout dans le monde: Le mépris de la censure en tant que "solution". nous aussi, en Tunisie, nous méprisons notre 3ammar et sa 404, je ne dirais pas que nous le détestons, non, nous le méprisons.. Pour nous, il ne sert à rien , vraiment à rien d'utile pour notre peuple, et ne fait qu'endommager l'image de notre pays.. (fil ma7afil idouwaliya)

En cette Année internationale de la jeunesse, (qui n'a toujours pas été lancée officiellement, rappelons le) je n'ai qu'un espoir.. Que nos jeunes comprennent que ce pays , comme il avait eu besoin de leurs grands parents pour se libérer des occupants étranger, a besoin de chacun d'eux pour que cette liberté se renforce jour après jour.

Voilà, c'etait la 23ème 404 YonAmmar !

Update:
Je viens de trouver d'autres notes anti 3ammar => en tout et pour tout, jusque là, il y a 26 YonAmmar sur ce blog.

اذا المحبّة كلام لا لا لا... لا ما تحبوني Publiée à 12:59

تونس أنا.. إذا المحبّة كلام لا تحبّوني.. رائعة لطفي بوشناق

نهدي الأغنية للتوانسة الكلّ ..مع إهداء خاص لمدوّني و مدوّنات التجمّع و كلّ التجمّعييّن والتجمّعيّات الصغار منهم و الكبار.. و نتمنّى من ربّي يجعل حبّ التوانسة لتونس حبّا صادقا

كلمات الأغنية

تونس أنا و ع الحبّ ربيتوني

بحڤ عيوني اذا المحبّة كلام

لا لا لا، لا تحبوني

لا يحبّني اللي في الغلط ما نصحني... و لا صلّحني

لا ڤال كلمة بفعلها تفرّحني

و لا يحبّني اللي يزيد ما يلدحني... ما صارحني

نا بغير كلمة حڤ ما تغنّوني

اذا المحبّة كلام.. لا لا لا.. لا تحبّوني

لا يحبّني اللي بألف وجه محرڤص.. يلمع يبڤص

و يرڤص مع الأرياح لمّا ترڤص

و لا يحبّني اللي في الڤفا يتربّص... يزيد و ينڤص

و يسرڤ منّي الكحل من جفوني

اذا المحبّة كلام لا لا لا... لا ما تحبوني

اصطدت أحلى نجوم ليلي الصّافي... و بمندافي

وزّعتها على عيونكم بالوافي

قال بعضكم ما يفوز بيها خلافي... و عند اكتافي

من عرضها الاكتاف ضايڤتوني

اذا المحبّة كلام لا لا لا... لا تحبوني

تونس انا للي يربّي صغيري.. و يغني فڤيري

و بعرڤه يسڤي الحلم في مطاميري

مانيش للي نايم على حريري... و كي يشوف خيري

ريڤه يسيل يڤول شهيتوني

اذا المحبة كلام لا لا لا... لا تحبوني

ألفين عام و ألف عام زيادة... و نا ولاّدة

سمايا اللّحاف و تربتي الوسادة

لا تنشدوا للمن يا نشادة... حبّي عبادة

ليكم أنا، للكل، اللي زرعوني

اذا المحبّة كلام لا لا لا... لا تحبوني

اذا المحبّة كلام لا لا لا... لا تحبوني

لا تسألوا تونس لمين جابتنا... واش اعطتنا

قولوا واش اعطيناك يا اميمتنا

ضرع الحياة هي و لبن رضعتنا.. و كي فطمتنا

يا ضرع قول سڤيتكم... اسڤوني

اذا المحبة كلام لا لا لا... لا تحبوني

تونس انا مع الحب، ربّيتوني... بحڤ عيوني

اذا المحبة كلام لا لا لا... لا تحبوني

و آخر دعوانا أن لا عاش في تونس من خانها

Tarek Kahlaoui est chez lui sur AntikoR Publiée à 18:39

C'est juste pour annoncer que suite à la censure de son blog, le mien ouvre ses portes au Professeur Tarek Kahlaoui afin qu'il puisse y trouver refuge en attendant la levée de la "404 not found" qui s'est installée sur Nocturial Thoughts. Et jusqu'à nouvel ordre, le header du blog de Tarek restera affiché dans la barre latérale de mon blog.

"الدّار دارك يا طارق"

Je ne pense pas que "les présentations" soient nécessaires, mais pour ceux qui ne connaissent pas Tarek, Zizou From Djerba nous dit que :

Tarek Kahlaoui est une fierte pour la Tunisie. Il est Professeur a l'Universite de Rutgers, la 8eme plus vieille universite aux Etats Unis et une leader dans le domaine de la recherche scientifique. Ce jeune academicien qui a grandit a Rades, aurait pu connaitre le sort des milliers d'etudiants en sciences humaines et passer les meilleures annees de sa vie au chomage. Au contraire, Tarek Kahlaoui est un rare exemple de reussite. Il a reussi en effet a suivre sa propre voie et a devenir prof dans une des universites les plus prestigieuses. Il a reussi a devenir un editorialiste dans plusieurs journaux connus dans le monde arabe et consultant pour des chaines d'info en continue. Il a reussi a devenir un leader de la blogosphere tunisienne, avec un blog qui par ses differents posts montre un attachement profond a son pays natal et une envie de participer dans l'effort collectif de developpement. C'est d'ailleurs cette approche positive qui m'a plu dans son blog. Il cherche a construire, a analyser, a mettre les choses dans leurs contextes, a regarder le futur avec espoir. Il a, aussi, toujours repondu a ses lecteurs, (devenus ses amis) debattu avec eux, et respectant leurs avis et positions. Il ne s'est jamais cache derriere sa tour d'ivoire de prof ou son statut d'expat. Bref, un rare exemple d'ouverture et de tolerance chez un tunisien que rien ne motive pour agir de la sorte.

الإرهاب الفكري و الراي العادم Publiée à 23:14

الأخ المدون حميدة.. أش قولك في ال 404 كيف تضرب بقوّة؟ إرهاب فكري زعمة و إلاّ درع وقائي... إذا درع وقائي.. أش رايك كي نقولولك ألي هي لا تنفع و إنما تضرّ بالبلاد و بصورتها و بصورة شعبها و بصورة القائمين و السّاهرين عليها؟

سي حميدة جاوبنا تعمل مزيّة.. إنت و خونا صاحب مدوّنة ديانا و خونا المفكّر المنجز زادة .. خوذوا بخاطرنا و جاوبونا..
شنوّة موقفكم من أسلوب الحجب .. و إلى متى سينتهج؟

بالمناسبة.. أش رايكم في الفساد؟ فساد الرأي قصدي بالطبيعة؟ خاطر الفساد و المحسوبيّة موش موجودين في بلادنا بشهادة المختصّين في المجال.. أما يبدو أنّ "فساد الراي" هو ألي عامل فينا .. أش قولكم؟ عمّار بمخّو و إلا رايو عادم؟

سي حميدة أحكي و قول و كان لزم زادة أرجع و فسّر كيفاش وعلاش صارت تنحيتي من الفايسبوك متاعك.. شنّوة السياق.. قول قول .. الدنيا فيها الموت.

الطلبة المسجونين.. أنا لا أفهم و لا أتفهّم Publiée à 09:15

نحب نقول حاجة في ما يخص الطلبة المسجونين أما مانيش عارف منين نبدى.. تنقصني معلومات من جهات موثوقة كما مثلا تونس 7 أو جريدة الصحافة أو جريدة الصريح أو حتى كل الناس..نحب نتضامن معاهم أما صعيب... صعيب بصراحة نتضامن مع ناس حكم عليهم القضاء متاع بلادي بالسجن.. أش دخلني في هالمعامع؟ المحامين شنية خدمتهم في هالبلاد.. علاش باش نحشر بنفسي في هالحكايات و قد حكم القاضي و القاضي يحكم على أدلة و إثباتات و الدوسيات الكل قدامو..و أكيد صارت مرافعات و المحامين أدّاو دورهم كما يجب باش يدافعوا عالشباب هذوما قدام السيد القاضي و حضرات المستشارين.. ساهلة هي حكم بالسجن؟؟ "لا أفهم و لا أتفهّم" على قول أحد كبار رجالات الثقافة في بلادنا.

موش معقول نطالب بتحرير المحابيس


الفايسبوك محكمة هوّا؟
سيدي حاضر يا شكّايا؟

لا يمكني أن أتضامن مع هؤلاء دون أن أعلم "خفايا الأمور" و دون أن أطلع على "الدوسي" كاملا .. و بالتالي ما نجمش نطالب بإطلاق سراحهم .. نطلقوا سراحهم علاش؟ لأنهم طلبة يعني؟ خاطر الحبس موش للطلبة يعني؟ علاش.. موش رجال هوما؟" الحبس للرجال" يقولوا أجدادنا .. يعني ناس زمان فاهمينها و ناس توة لا؟ و الله شيء يحير بصراحة.. تي ماو حكموا عليهم بالحبس.. عادي شد الحبس و مولاها ربي .. يلزمهم ينتهزوا الفرصة باش يتكونوا في مجالات أخرى قد تفيدهم نهار آخر كي يوليو عاطلين عن العمل.. الحبس تجربة حياتية لا يجب التقليل من أهميتها .. و نجاعتها في اصلاح ما أفسده الدهر ( قصدي الجامعات ) .. الحبس فرصة لا تعاد باش يربط خيوط مع كل الأشكال ..
و معرفتك في الرجال كنوز .. الطلاب غدوة يوليو عاطلين عن العمل و بالتالي يحتاجوا باش من توة يكوّنوا فكرة عامة و شاملة على الحياة من خلال العلاقات الي نطالبهم باش يبنيوها مع بقية المحابيس.. باش كي يخرجوا من الحبس يخرجوا بخير زاد : التجربة

إلى من ينوي التعليق.. لا لا لا لا تتسرّع .. يلزمك تفهم و تتفهّم قبل ما تحل فمّك عيّشك.. أي نعم أكونسيوووووووون و ردّ بالك أش تقول لا ترصّيلك في دار خالتك باهي؟